လက်ညှိုး ညွှန်ရာ အိမ်ဖြစ်စေ

တစ်နေ့သ၌ ကျွန်ုပ်၏ ဗေဒင်ဟောခန်း အတွင်းသို့အသက် (၄၀) ခန့်အမျိုးသမီးဝင်ရောက်လာလေ၏ ။ ထိုအမျိူးသမီးသည် ကျွန်ုပ်ကို တွေ့လျှင်တွေ့ချင်း - "ရောက်လာပြန်ပြီ ........  ဆရာရေ " ဟု  နုတ်ဆက် စကားဆို၏ ။ 

ထိုအခါ ကျွန်ုပ်ကလည်း  " သြော် .....  ဆရာမပါလား ထိုင်ပါခင်ဗျား .... ထိုင်ပါ " ဟု  ပဋ္ဋိသန္ဓာရ စကားဆို၍  ထိုင်ခိုင်းရလေ၏ ။

"ဆရာလုပ်ခိုင်းတဲ့ နည်းအတိုင်း ကျွန်မလည်း  အတတ်နိုင်ဆုံး လုပ်တာပဲ ဆရာရယ်အခုထိ သိပ်ပြီး ထူးမခြား လာသေးဘူး ဖြစ်နေတယ်  "  ဟုပြောလေ၏ ။  ထိုအခါ ကျွန်ုပ် က -

'' ဒါကတော့ ဆရာမ ရယ် ကိုယ့်ဘက်ကတော့ လုပ်စရာ ရှိတာတော့ လုပ်ရမှာပေါ့ဖြစ်ချိန် မတန်သေးတဲ့ ကိစ္စ ကတော့  ဘယ်ဖြစ် ပါမတုန်း  ၊ ဖြစ်ချိန်တန်တော့လဲ ဘာယတြာ ဘာအစီ အရင်တောင် မလိုပဲ ဖြစ်လာမှာပါ ဆရာမရယ် "
ဟုပြန်၍ပြောရလေ၏ ။

ဤသို့ဖြင့် ကျွန်ုပ်တို့၏ စကားဝိုင်းသည် ဆရာချင်း ဆရာမချင်း အပြန်အလှန်မိုးမွန်၍ နေတော့လေ၏ ။ ထိုအမျိုးသမီး မှာ ကျွန်ုပ် ထံသို့ မကြာခဏ ဗေဒင်လာမေးသော ကျောင်းဆရာမ တစ်ဦး ဖြစ်လေ၏ ။   ထို့ကြောင့်  ကျွန်ုပ်က ထိုအမျိုးသမီး အား နာမည် မခေါ်ပဲ   ဆရာမ  ဟူ၍သာ ခေါ်လေ့ရှိ၏ ။  ထိုဆရာမ ကလည်းကျွန်ုပ် အား ဗေဒင် ဆရာဖြစ်သော့ကြောင့်  ဆရာ ဟု ခေါ်ခြင်းဖြစ်လေ၏ ။

ထိုဆရာမ သည် အိမ်ငှား  ဖြင့်နေနေရာမှ  ကိုယ်ပိုင်အိမ်တစ်လုံး ၀ယ်ချင်သောကြောင့် ကြိုးစားနေသူ တစ်ဦးဖြစ်၏ ။ ထို့သို့ကြိုးစား ရာ၌   ဈေးဆိုင်ပြီးမှ ပျက်သွားခြင်း ၊မိမိထက် ငွေပိုပေးသူက  လက်ဦးမှု ယူသွားခြင်း ၊ လိုချင်သော အိမ်နှင့် မိမိတွင်ငွေအလိုက်မမှီခြင်း ၊ အိမ်တန်ဖိုး တတ်နိုင်သော်လည်း နေရာထိုင်ခင်း ပတ်ဝန်းကျင်ကို သဘောမကျခြင်း ၊ စရံပေးပြီးသော အဆင့် ရောက်ပြီးကာမှ ထိုအိမ်သည် ဥပဒေနှင့်ကြောင်းအရ  ငြိစွန်းနေသော အိမ်ဖြစ်နေခြင်း စသည်စသည် ဖြင့် ထိုဆရာမ ခမျာအိမ်တစ်လုံး အတွက် စိတ်နှလုံး မချမ်းမြေ့ဖွယ်ရာ များသာလျှင် ကြုံနေရရှာလေ၏ ။

ထိုသို့  ထိုသို့ ကိစ္စများ ကြုံလာတိုင်းလည်း ထိုဆရာမသည်  ကျွန်ုပ် ဆီသို့ အပြေးကလေးရောက်လာတတ်စမြဲ ပင်ဖြစ်၏ ။   ဒါများလွယ်ပါတယ်ဗျာ .....  သိပ်ခက်မှာတော့မဟုတ်ပါဘူး   ဟုဆိုကာ  ယတြာနည်း တစ်ခု ပေးလိုက်ရ စမြဲ ဖြစ်၏ ။ ထို ဆရာမလည်း ၀မ်းသာ အားရနှင့် ပြန်သွားနောက်  ယခု ကဲ့သို့  ပြန်ရောက်လာ စမြဲ ဖြစ်၏ ။ထိုအခါ ကျွန်ုပ် ကလည်း   ဒီနည်းနဲ့ မရရင် နောက်တစ်နည်း နဲ့ လုပ်ကြာတာပေါ့ဆရာမရယ်   ဟု ဆိုကာ ယတြာ တစ်မျိုးပြောင် ၍ ပေးလိုက်ပြန်၏ ။ 

ထိုကဲ့သို့  ကျွန်ုပ် ကယတြာနည်း တစ်ခုပေးလိုက် ၊ ထိုဆရာမ က ထိုနည်းအတိုင်းလုပ်လိုက်၊ မအောင်မြင်သောကြောင် ကျွန်ုပ် ထံသို့ ရောက်လာလိုက် ဖြစ်နေရာ  ကျွန်ုပ်လည်း မျက်နှာ အတော်လည်း ပူလာလေ၏ ။ ထိုအခါ ကျွန်ုပ်လည်း မတတ်သာကြောင့်ဆရာမ ကို လည်း စိတ်ဝင်စား လာ သည့်အလျောက်

"ဒီလောက်မှ ဖြစ်လှတာ ဆရာမရယ် အိမ်ဝယ်  မနေပါနဲ့တော့ ကျုပ် အိမ်မှာ ပဲလာနေပါတော့ဗျာ "

ဟု ဆိုလိုက်လေတော့၏ ။ 

                                                                                                                                  
                                                                                                                                  ဆရာမ သို့ အမှတ်တရ